HUMBA NI ALING VIOLY: Pinaka Lami Sa Cogon! Sauna.

Hay, bugnaw nasad ang panahon, lami unta mohigop ug sabaw. Labi na karon kay hapit na ang Pasko sa Pilipinas, humot na gyud ang palibot kay kanya kanya ug handa ang atong mga silingan para sa ilang mga kanya kanyang Christmas Party na atenan. Naka crave na gyud hinuon kog humba, pandamay mani.

Nakadumdum ko, naay famous na humbaan sa Cogon - Ang Humba ni Aling Violy. Sikat ni sya ug gaadtuan gayud sa mga tao. Naa silay gamay na luna na pwede ka didto magkaon, pwede pud nga itake out para salu-salohan sa tibuok pamilya.

Akong prebelihyo nga ifeature ang Humba ni Aling Violy kay ako man kani siya na “Lola”. Sa katong buhi pa ni sya, naka hinam hinam gyud mi sa iyang original na recipe niani. Pero karon, ang iya naman anak ang galuto - akong uncle na pila ra ka lakang gikan sa among balay - si uncle Borj. Anytime na naay handa, mag request gyud ni akong Mama na magpaluto kay Borj ug humba ug matamgamtaman namo ang lamian nga humba bisan pa man ug wala na sila nag abre sa ilang tindahan.

Saayang man ug makamingaw ang Humbaan ni Aling Violy nga usa sa mga gadayuhon sa mga tao sa Cogon sauna, mapasalamaton ako na makatagamtam pa gihapon kami sa isa sa iconic na style sa pagluto sa humba sa estilo ni Lola Violy pinaagi kay Uncle Borj. Usa kini sa rason na dli gyud nako malimtan ang memorya sa iyang legasiya diri sa atong dakbayan sa Cagayan de Oro. Nag tuo ko na kung maka lingkawas sila sa mga challenges giatubang karon, unta maka abre sila balik ug luna aron makatagamtam na usab kita sa ilang lamian na putahe na sigurado ko na gikamingawan na pud sa atong mga igsoon sa dakbayan ilabi na gyud kining mga gikan pa sa inum aron magpahuwas sa ilang gibati na ka hubog.

Usa lang kini ka pamaagi na gidumdum ko ang usa sa iconic na pagkaonan sa Cagayan de Oro agi ug paghatag ug pagtagad sa tag iya niina nga mipanaw na. Naga tuo ako nga dako kani sya ug kontribyusion sa kalambuan sa syudad ug naka tabang kini sa mga lumulupyo nga maka tagam ug lamian nga bersyon sa humba - bersyon nga dli gayud malimtan sa mga taga Cagayan de Oro.